قومی اسمبلی انتخابات ، پوسٹل بیلٹ گھنݨ دی درخواست کیتے آخری تاریخ 15اپریل مقرر

لاہور۔29مارچ(اے پی پی) الیکشن کمیشن قومی اسمبلی دے چھی حلقیں اچ تھیوݨ آلے ضمنی انتخابات کیتے پوسٹل بیلٹ گھنݨ کیتے درخواست ݙیوݨ دی آخری تاریخ 15اپریل مقرر کیتی اے ۔ قومی اسمبلی دے چھی حلقیں اچوں صوبہ پنجاب اچ ݙو حلقے NA-108فیصل آباد اتے NA-118ننکانہ صاحب اچ 30اپریل کوں ضمنی انتخاب منعقد کیتا ویسی ۔ دفتر صوبائی الیکشن کمشنر پنجاب دی طرفوں جاری پریس ریلیز موجب ایں حوالے نال پوسٹل بیلٹ دی سہولت سرکاری ملازمین، پاک فوج دے ارکان تے انہاں دے گھر آلیں کوں ݙتی ویندی اے ، ایں توں اںڄ اے سہولت ایجھے معذور لوک جیڑھے معذوری دی وجہ توں پولنگ اسٹیشن تے آ تے ووٹ نہ پاسڳدے ہوون ، ایجھے لوک وی پوسٹل بیلٹ دی سہولت استعمال کرݨ دے اہل ہن ۔ معذور لوکاں کیتے لازمی ہے جو پوسٹل بیلٹ پیپر گھنݨ کیتے انہاں کنے نادرا دا معذوری دے نشان آلا شناختی کارڈ موجود ہووے ۔پوسٹل بیلٹ دی سہولت جیل اچ موجود قیدی وی استعمال کرسڳدن ۔الیکشن کیتے تعینات کیتا ڳیا پولنگ عملہ وی پوسٹل بیلٹ دی سہولت استعمال کر سڳدے ۔پوسٹل بیلٹ کیٹے درخواست فارم متعلقہ ریٹرننگ آفیسر توں ڳھدا ونڄ سڳدے۔

مضمون کا ماخذ : estatisticas lotomania

متعلقہ مضامین