اولس مشر ډاکټر عارف علوي سره ماليزيا لپاره د پاكستان نومولي هائي كمشنرې آمنه بلوچ وليدل

اسلام آباد 16 اګست (اے پي پي) اولس مشر ډاكټر عارف علوي وئيلي دي پاكستان او ماليزيا خپلې نزدې او د ورورولۍ اړيكې په خاص توګه په سرمايه كارۍ او د سېلګرۍ په دوه اړخيزه مرسته بدلولې شي٬ په دې لړ كښې پاكستان كښې موجود موقعې بهر هېوادونو كښې په بشپړه توګه رامخې ته كول پكار دي۔ اولس مشر دا خبرې ماليزيا لپاره د پاكستان نومولې هائي كمشنرې آمنه بلوچ سره كړې چا چې د جمعې په ورځ اولس مشر سره ايوان صدر كښې ملاقات كولو۔ اولس مشر ووئيل دواړو هېوادونو ترمېنځه اړيكې په شريكه عقيده ٬ كلتور او د مرستې په قوي بنياد اډانه دي او پاكستان ماليزيا سره خپلو اړيكو ته ډېر اهميت وركوي۔ اولس مشر په نومولې هائي كمشنرې زور رواړو چې ھغه د دوه اړخيزه اړيكو مضبوطيا لپاره ټولې ممكنه هڅې وكړي او دغسې وېليو اېډډ مصنوعاتو په خاص توګه پام لرنې سره د پاكستان برآمدات زياتولو او د سېلګرۍ موجوده موقعې رامخې ته كولو لپاره اقدمات وكړي۔ اولس مشر نومولې شوې هائي كمشنرې ته امر وكړو چې ھغه په ماليزيا كښې د پاكستان سرمايه كار دوسته پاليسۍ رامخې ته كړې او د ماليزيا سرمايه كار پاكستان كښې د سرمايه كارۍ موقعو څخه بشپړه استفاده كولو لپاره قائل كړي۔ ده ووئيل پاكستان په هندي كشمير كښې د بشري حقونو سنګينې خلاف ورزۍ نشي نظر انداز كولې او تل به خپلو كشميري وروڼو سره ولاړ وي۔ اولس مشر ډاكټر عارف علوي په ټولو هائي كمشنرانو او سفيرانو زور رواړو چې ھغوي د كشمير كشاله او په مقبوضه كشمير كښې هندي ظلمونه په هره كچه نړۍ ته څرګند كړي

مضمون کا ماخذ : مایا کا عروج

متعلقہ مضامین