د وزيراعظم د احتساب خاص مرستيال مرزا شهزاد اكبر خبري كنفرنس ته وېنا

اسلام آباد 28 جولائي (اے پي پي) د وزيراعظم د احتساب خاص مرستيال مرزا شهزاد اكبر وئيلي دي چې شهباز شريف په برتانيه كښې د مقدمې كولو په ځائ ډېلي مېل ته شكايت كړے٬ كوم خبريال چې خبر وركړے هغه اوس هم په خپل خبر ولاړ دے٬ كه شهباز شريف ريښتينې وي نو عدالت ته دې لاړ شي ٬ بيا به زه هم هغه عدالت ته تللو سره د هغه د كرپشن ټول ثبوتونه وړاندې كړم۔ د اتوار په ورځ په پي آئي ډي كښې خبري كنفرنس ته د وېنا كولو په مهال ده ووئيل چې د شهباز شريف په ضد په ډېلي مېل ورځپاڼه كښې چې كوم خبر چاپ شوے و٬ په دې لړ كښې د تېرو 36 ساعتونو په مهال نور اپډېټس هم راغلي دي كوم چې مېډيا ته وړاندې كول غواړم۔ ده ووئيل چې د خبر چاپ كېدو نه پس شهباز شريف قوم سره لوظ كړے و چې د وزيراعظم او زما په ضد به قانوني كارروائي كوي۔ ده ووئيل چې د اېرا په فنډ كښې ډاكه اچولو سره علي عمران ته ګټه رسول شوې٬ دوه كاله د دې مقدمې پېروي نه ده شوې او په كال 2018م كښې شهباز شريف خپل زوم ته د تېښتې لار وركړه۔ ده ووئيل چې مسلم ليګ ن د جولائي په 25مه نېټه ادعا كړې وه چې دوي په برتانيه كښې مقدمه دائر كړې خو د هغه ځائ نه خبرپاڼه جاري شوې چې شهباز شريف يوازې ورځپاڼې ته شكايت كړے۔ ده ووئيل چې كوم خبريال چې خبر وركړے هغه اوس هم په خپل خبر ولاړ دے٬ كه شهباز شريف ريښتينې وي نو عدالت ته دې لاړ شي ٬ بيا به زه هم هغه عدالت ته تللو سره د هغه د كرپشن ټول ثبوتونه وړاندې كړم ځكه چې په ورځپاڼه كښې يوازې 5 فيصده ليكل شوي دي او 95 فيصده تفصيلات ما سره دي۔ ده ووئيل چې زه لندن ته تللو ته تيار يم٬ زه باور لرم چې دوي به د لندن عدالت ته لاړ نه شي۔

مضمون کا ماخذ : مصری ڈریمز ڈیلکس

متعلقہ مضامین